O alumnado de Artes Escénicas foi visitar o teatro Jofre para coñecer todos os seus recunchos e aprender curiosidades como, por exemplo, por que algúns palcos son coñecidos como "palcos de viúvas".
Puideron coñecer o espazo para os ensaios, o escenario, o balcón...
Como anécdota, hai que sinalar que estaban no patio de butacas cando se produxo o gran apagón, que nos deixou unhas horas sen luz, e houbo que acabar a visita coas lanternas dos móbiles.
O Departamento de Historia colgou no corredor carteis para descubrir a partir deles un período da nosa historia recente. Pasa por alí a descubrir a exposición que preparou Andrés.
Outro ano máis o alumnado do IES Ricardo Carvalho Calero participou no festival da Mocidade coa lingua, no que se reivindicou o uso da nosa lingua. Parte do alumnado de 1º e 2º de Bacharelato do noso centro agrupouse baixo o nome de Landra Soleira para poñer letra e música a este evento.
Na mocidade tamén encontramos a antigos alumnos. A Banda da Ponte, agora reconvertida en D'Emoreira emocionou ao público coas súas interpretacións.
Entre os concursos propostos polo día do libro está o de "Adiviña un lector". Achégate ao corredor e intenta descubrir que profesor escolleu cada fragmento.
Animaste a participar?
No mes de abril o alumnado de Bacharelato estivo de viaxes en Tenerife. Alí, entre outras cousas, tiveron ocasión de coñecer o Teide da man dun guía local. Puideron ver, por exemplo, a rosa de pedra.
Os integrantes do clube de lectura reunironse para comentar Virtudes (e misterios) de Xesús Fraga, premio nacional de narrativa 2021. Na no...
