Un entroido de película

Este ano a temática do entroido foi o cine. Durante a xornada do 27 de febreiro vimos desfilar polo centro moitos personaxes cinemetgráficos. O grupo gañador do festival foi o de 2º de Bacharelato A, quen ía disfrazado de Grease e prepararon unha canción relacionada coas temidas PAU.

Foi unha final moi reñida porque os alumnos de ciclos tamén o fixeron moi ben coa súa caracterización de Shrek.

E durante toda a xornada fumos vendo pulular diferente personaxes polo centro. Recoñeces a todos?

Moitas das películas están baseadas en libros? Animaste a coller as historias orixinais na biblioteca e lelas?

Cambios na biblioteca

 O equipo da biblioteca está a traballar arreo para mellorar as instalacións. Ademáis de ir catalogando os libros, onte nos sorprenderon cun rincón lector con puffs nos que poder sentar comodamente a ler. Que vos parece? 

Visita a Penteo Films

 O pasado 11 de febreiro o alumnado de 1º Bacharelato visitou o estudo de dobraxe Penteo.  Ali aprenderon como funciona a dobraxe e incluso tiveron a oportunidade de facer unha pequena proba, dobrando fragmentos de O rei león.

Agradecemos a Jose Polo a súa boa disposición e boa recepción.